Бундан роппа-роса 20 йил аввал, 2003 йилнинг 20 августида Криштиану Роналду илк бор Португалия терма жамоасида ўйнаган эди.

Ўшанда футболчи Қозоғистонга қарши ўртоқлик учрашувида 45 дақиқа ҳаракат қилган ва унда португаллар минимал 1:0 ҳисобида ғалаба қозонган.

Эслатиб ўтамиз, Роналду Португалия терма жамоасидаги илк голини 2004 йилги Европа чемпионатининг очилиш ўйинида Грецияга қарши баҳсда киритган.

Криштиану Роналду шу кунгача Португалия терма жамоаси сафида 200 та ўйин ўтказган. Футболчи уларда 123 та гол ва 43 та голли узатмани амалга оширган.