Bundan roppa-rosa 20 yil avval, 2003 yilning 20 avgustida Krishtianu Ronaldu ilk bor Portugaliya terma jamoasida o‘ynagan edi.

O‘shanda futbolchi Qozog‘istonga qarshi o‘rtoqlik uchrashuvida 45 daqiqa harakat qilgan va unda portugallar minimal 1:0 hisobida g‘alaba qozongan.

Eslatib o‘tamiz, Ronaldu Portugaliya terma jamoasidagi ilk golini 2004 yilgi Yevropa chempionatining ochilish o‘yinida Gresiyaga qarshi bahsda kiritgan.

Krishtianu Ronaldu shu kungacha Portugaliya terma jamoasi safida 200 ta o‘yin o‘tkazgan. Futbolchi ularda 123 ta gol va 43 ta golli uzatmani amalga oshirgan.