Одиссеас Влаходимос "Манчестер Юнайтед"га ўтиши мумкин.
Журналист Фабрицио Романо хабарига кўра, "Манчестер Юнайтед" "Бенфика"ни тарк этиши кутилаётган дарвозабон билан шартнома имзолаш имкониятини ўрганмоқда.
O Jogo хабарига кўра, 29 ёшли грециялик футболчи "Эштрела" билан ўйин (2:0) олдидан бош мураббий Рожер Шмидт билан жанжаллашиб қолган. Дарвозабонга унинг асосий таркибга киритилмагани ёқмади ва немис мутахассисига ўз эътирозларини билдирди, бу эса ўзаро тўқнашувга сабаб бўлди.
"Манчестер Юнайтед" Влаходимосни "Кристал Пэлас" ва "Ноттингем Форест" клублари қизиқаётган Дин Хендерсонга ўринбосар сифатида кўрмоқда.
