Япониялик ярим ҳимоячи Ватару Эндо "Ливерпуль"га ўтиши қандай содир бўлгани ҳақида гапирди.
"Тўғрисини айтсам, мен янгиликларни кузатдим ва улар янги ярим ҳимоячи ҳамда ҳимоячи излашаётганини билардим. Лекин Кайседо "Ливерпуль"га кетган деб ўйладим! Аммо, Мойсес “Челси”га ўтганини билгач, “Ливерпуль”га ўтишим мумкинлигини билдим. Ҳамма нарса жуда тез содир бўлди. Уч ёки тўрт кун ичида. Менга агент қўнғироқ қилди ва мен тезда қарор қабул қилишим керак эди. Мен рад эта олмадим, чунки мен доим Англия Премьер-лигасида ўйнашни орзу қилардим. Мен агентимга доим Англиянинг топ-клубида ўйнашни хоҳлаётганимни айтганман ва мана энди шу ердаман”, деди Эндо The Athletic нашрига берган интервьюсида.
Эслатиб ўтамиз, Ватару Эндо ўтган ҳафтада "Штутгарт"дан "Ливерпуль"га ўтганди. Хабар қилинишича, "қизиллар" 30 ёшли япон учун тахминан 18 миллион евро тўлайди.
