"Барселона" клуби марказий ҳимоячиси Клеман Ланглени яна ижарага қўйиб юборишга тайёр. Sport.es нашри хабарига кўра, жамоа франциялик футболчини Лондоннинг "Тоттенхэм"ига қайтаришга қарши эмас.
"Барселона" "шпорлар" Клеманнинг доимий трансферини таъминлаш учун керакли миқдорда товон пули тўламаслигини тушунади. Лангленинг ўзи фақат "Тоттенхэм"га ўтишни истаётганини инобатга олсак, "Барселона" ҳеч бўлмаганда маошидан тежаш мақсадида франциялик футболчини қўйиб юборишга мажбур.
Саудия Арабистони жамоаси "Барселона"нинг молиявий талабларини қондиришга тайёр бўлса ҳам, олдинроқ Лангле "Ан-Наср"га ўтишдан бош тортган эди.
