«D» гуруҳида бешинчи турга келиб кейинги босқичга йўл олган иккала жамоанинг ҳам номи маълум бўлиб улгурди. «Ўлим» гуруҳида қурбон вазифасини бу сафар «Манчестер Сити» бажариб берадиган бўлди.

«Боруссия Д» «Аякс»да жуда ажойиб футбол кўрсатиб йирик ҳисобдаги ғалаба билан кейинги босқич йўлланмасини нишонлаган бўлса, «Реал»  «Сити» уйида ўзлари учун керакли бўлган дурангга эриша олди. Натижада бирорта ҳам ўйинда ғалаба қозона олмаган Роберто Манчини шогирдлари «ўлим» гуруҳида «қурбон» вазифасини бажариб беришга мажбур бўлишди.

Сўнгги турда энди «Сити» фақатгина Европа лигаси учун кураш олиб бориши мумкин. Лекин бунинг учун жамоа Дортмундда «Боруссия» уйида ғалаба билан қайтиши керак бўлади. Бу эса осон бўлмаслиги аниқ. Ўз уйида ҳатто ғалаба қозона олмаётган жамоанинг гуруҳ пешқадами уйида муваффақият қозониши қийин масала.

ТУРНИР ЖАДВАЛИ

ЧЕМПИОНЛАР ЛИГАСИ
D ГУРУҲИ
5-тур

МАНЧЕСТЕР СИТИ (Англия) – РЕАЛ МАДРИД (Испания) 1:1 (0:1)
Голлар: Агуэро (73, пенальти) – Бензема (10).
Манчестер Сити: Жо Харт, Сабалета, Компани, Настасич, Майкон, Коларов (Хави Гарсия, 46), Яя Туре, Насри (Тевес, 60), Сильва, Жеко, Агуэро (Милнер, 88).
Реал Мадрид: Касильяс, Арбелоа, Рамос, Пепе, Коэнтрау, Хедира, Алонсо, Модрич (Кальехон, 68), Ди Мария (Альбиоль, 90), Роналду, Бензема (Варан, 75).
Огоҳлантиришлар: Яя Туре (29), Арбелоа (32), Майкон (40), Алонсо (48), Насри (53), Сабалета (58), Рамос (61), Хави Гарсия (90).
Четлатиш: Арбелоа (73, Реал).

АЯКС (Голландия) – БОРУССИЯ Д (Германия) 1:4 (0:3)
Голлар: Хюсен (86) – Ройс (8), Гетце (36), Левандовски (41, 67).
Аякс: Вермеер, ван Рейн, Альдерверельд, Мойсандер, Блинд, К. Поульсен (Шоне, 46), Эно (Хюсен, 64), Эриксен, Люкоки, С. де Йонг, Бурригтер (Фишер, 73).
Боруссия Д: Вайденфеллер, Пишчек, Суботич, Хуммельс, Шмельцер, Бендер (Перишич, 63), Гундоган, Гетце (Блашчиковски, 70), Ройс (Шибер, 79), Гросскройтц, Левандовски.
Огоҳлантиришлар: Эно (18), Гетце (53), Мойсандер (84).