«Сельта» ярим ҳимоячиси Габри Вейга Италиянинг «Наполи» клубига ўтмаслиги мумкин.
Журналист Маттео Мореттонинг ёзишича, ярим ҳимоячи билан келишувни кечиктираётган масала футболчининг ўзи ва «Наполи» ўртасида ҳал қилинмоқда.
Хабар қилинишича, муаммо футболчининг шахсий шартномаси шартларини мувофиқлаштириш билан боғлиқ.
Илгари «Сельта» раҳбарияти Вейгага якшанба ёки душанба куни Италияга боришига рухсат берган бўлса, энди у яна ўз клуби билан машғулот ўтказмоқда. «Сельта» вазиятдан норози ва «Наполи»га муаммони ҳал қилиш учун икки кун муҳлат берди.
