Дарвозабон Уго Льорис "Лацио"га ўтмайди. Бу ҳақда инсайдер Фабрицио Романо ижтимоий тармоқларда хабар бермоқда.
Манбанинг таъкидлашича, 36 ёшли франциялик посбон Римга ўтишга яқин келмаган, чунки у фаолиятининг сўнгги даврида захира дарвозабон бўлишни истамайди.
Эслатиб ўтамиз, июль ойида "Тоттенхэм" Льорисга янги жамоа қидиришга рухсат берилганини эълон қилган эди. Тажрибали дарвозабон ёзги трансфер ойнаси ёпилгунига қадар қаердандир клуб топиши мумкин.
Льорис ўн уч мавсум давомида "Тоттенхэм"да ўйнади. Бу вақт ичида Уго 447 та расмий ўйин ўтказиб, 508 та гол ўтказиб юборган.
