Ҳужумчи Муҳаммад Кудус "Аякс"дан "Вест Хэм"га ўтишга яқин турибди. The Athletic хабарига кўра, Лондон клуби трансфер борасида деярли келишиб олган. "Болғачилар"нинг 23 ёшли Кудус борасидаги таклифи қабул қилиниши кутилмоқда.
Таклиф тахминан 41,5 миллион еврони ташкил қилади. Яна 3 миллион евро бонус сифатида шартномага киритилади. Бундан ташқари, "Аякс" Кудуснинг кейинги трансфер нархининг 10 фоизини ўзида сақлаб қолади.
Кудуснинг ўзи "Вест Хэм" билан яна бир мавсумга узайтириш имконияти билан беш йиллик шартнома имзолаши керак.
Қўшимча қиламизки, Премьер-лиганинг дастлабки икки турида "Вест Хэм" 4 очко тўплаган.
