Ҳимоячи Эмерик Ляпорт "Манчестер Сити"дан "Ан-Наср"га ўтади. 29 ёшли футболчининг Саудия клубига кетиши ҳақида "шаҳарликлар"нинг расмий сайти хабар бермоқда.
Олдинроқ Ляпорт "Манчестер Сити" билан хайрлашганди. Ҳимоячи беш ярим йил давомида АПЛнинг топ-клубида ўйнади. Бу вақт ичида Эмерик 180 та ўйин ўтказиб, 12 та гол урди ва 4 та голли узатма берди. Ҳимоячи кўплаб совринларни қўлга киритди, хусусан, Чемпионлар Лигаси кубоги.
Энди Ляпорт Саудия Арабистонида ўзини кўрсатишга ҳаракат қилади. "Манчестер Сити" футболчига келгуси фаолиятида омад тилади.
