Мадриднинг "Атлетико" клуби президенти Энрике Сересо ҳужумчи Жоау Феликс ҳақида фикр билдирди.
"Феликс "Атлетико"да ўйнашни истамаслиги аниқ. Бошқа жамоалар у билан шартнома имзоламоқчими? Бу бошқа савол", - деди функционер LaSexta билан суҳбатда.
Аввалроқ, 23 ёшли португалиялик футболчининг хизматларига "Барселона" клуби қизиқиш билдираётгани ҳақида хабар берилганди.
Эслатиб ўтамиз, Феликс Испания чемпионатининг 1-тури доирасидаги "Бетис"га қарши 0:0 ҳисобида якунланган учрашувни ўтказиб юборган эди.
Кейинги турда “Атлетико” “Райо Вальекано”га қарши баҳс олиб боради.
