Габриэль Жезус тиззасидан олган жароҳатидан кейин машғулотларга қайтди.
"Арсенал" ҳужумчиси август ойи бошида жароҳат олган эди. У Премьер-лига мавсуми бошланишини, жумладан, Англия Суперкубоги учун "Манчестер Сити"га қарши ўйинни ўтказиб юборди. Манбага кўра, бразилиялик август ойи бошида кичик жарроҳлик амалиётини ўтказган.
Evening Standard нашри хабарига кўра, Жезус пайшанба куни "Арсенал"нинг умумий гуруҳи билан машғулот ўтказди. Жезус бу шанба куни "Фулхэм"га қарши майдонга қайтиши мумкин, аммо бу вариант ҳозирча даргумон.
Ҳужумчи келаси ҳафтада "Манчестер Юнайтед"га қарши ўйинга ёки халқаро танаффусдан кейинги ўйинларга тўлиқ тайёр бўлиши кутилмоқда.
