"Арсенал"нинг шотландиялик ҳимоячиси Киран Тирни фаолиятини бошқа клубда давом эттириши мумкин.
Журналист Жордан Кэмпбелл хабарига кўра, "канонирлар" шотландиялик футболчининг ижараси бўйича "Реал Сосьедад" билан музокара олиб бормоқда. Хабарларга кўра, иккала клуб ҳам келишувга эришишга умид қилмоқда, чап қанот ҳимоячиси ўйин вақти етишмаётгани сабабли Лондон клубини тарк этмоқчи.
Аввалроқ "Арсенал" футболчини сотиш вариантинигина кўриб чиқаётгани хабар қилинганди. Эслатиб ўтамиз, Киран Тирни "канонирлар" сафига 2019 йилда келиб қўшилганди. Transfermarkt портали 26 ёшли футболчининг нархини 25 миллион еврога баҳоламоқда.
