"Рома" Ромелу Лукакуни ижарага олмоқчи.
Римликлар ҳужумчини ижарага олишдан манфаатдор, аммо мажбурий сотиб олиш шартисиз. Бу шартга кўра, "Рома" бельгиялик футболчининг маошини тўлиқ тўлашга тайёр.
Айни дамда "кўклар" Лукакуни ижарага бериш ниятида эмас ва 30 ёшли ҳужумчини, хусусан, Саудия Арабистонига сотишни талаб қилмоқда.
Агар "Челси" Ромелуни ижарага қўйиб юборишга рози бўлса, "Рома"га "Барселона" ва "ПСЖ" рақобат қилиши мумкин, дейди инсайдер Жанлука Ди Марцио.
Лукаку ўтган мавсумда "Интер"да ижара асосида ўйнаганди. Ҳужумчи барча мусобақаларда 37 та ўйин ўтказиб, 14 та гол урган.
