"Персеполис" клуби директорлар кенгаши раиси Ҳусайн Шаҳрияри жамоанинг гуруҳдаги рақиблари ҳақида фикр билдираркан, "Ан-Насср" клубига алоҳида тўхталиб ўтди:
"Cаудияликлар сафида Роналду бўлса, бизнинг таркибда унга қарши дарвозабон Алиреза Бейранванд бор. Роналду бундан бир неча йиллар олдин Бейранвандга пенальтидан гол ура олмаган. Ҳозир Роналдунинг қариётганини инобатга олсак, бундан кейин ҳам бизга гол ура олмайди".
Маълумот учун, 2018-йил Россиядаги Жаҳон чемпионатида Роналдунинг Португалия терма жамоаси сафида 11 метрлик нуқтадан тепган зарбасини эронликлар посбони Бейранванд қайтаришга муваффақ бўлган эди.
