"Ливерпуль" ҳужумчиси Дарвин Нуньес Англия Премьер-лигасининг яна бир топ-клуби нишонига тушди. Бу ҳақда indykaila News хабар бермоқда.
Журналистларга маълум бўлишича, Лондоннинг "Челси" жамоаси уругвайлик ҳужумчини ўз сафида кўрмоқчи. Мерсисайдликлар агар “аристократлар” 24 ёшли футболчини трансфер қилиш бўйича фойдали таклиф билан чиқишса, музокарага тайёр.
Дарвин ўтган ёзда "Бенфика"дан "Ливерпуль"га ўтган эди. Трансфер суммаси 80 миллион еврони ташкил қилди. Томонлар ўртасидаги меҳнат шартномаси муддати 2027/2028 йилги мавсум охиригача ҳисобланади.
