Португалиянинг "Бенфика" жамоаси ҳужумкор ярим ҳимоячиси Анхель ди Мария Аргентина терма жамоасидаги фаолиятини қачон тугатишни режалаштираётгани ҳақидаги саволга жавоб берди.

“Америка кубоги мен учун терма жамоадаги охирги муддатдир. Бош мураббий қайси таркибни танлашини кузатиб бораман. Мен қўнғироқни кутаман, гарчи бу ҳеч кимга кафолатланмаган. Мен клуб ва терма жамоада ўйнашни давом эттирмоқчиман. Ҳали ҳам унвонларга қизиқаман”, деди 35 ёшли вингер.

Кейинги Америка кубоги 2024 йилда бўлиб ўтади. Аргентина терма жамоаси турнирнинг амалдаги чемпиони ҳисобланади.