"Манчестер Юнайтед" ҳимоячиси Люк Шоу мушакларидаги жароҳат туфайли бир неча ҳафта майдонга туша олмайди, дея хабар беради клуб матбуот хизмати.
28 ёшли футболчи жорий мавсумда иккита ўйин ўтказди - "Вулверхэмптон" (1:0) ва "Тоттенхэм" (0:2) жамоаларига қарши.
Шоу "Манчестер Юнайтед"нинг "Ноттингем Форест"га қарши навбатдаги ўйинини ўтказиб юборади. Қолаверса, у Украинага қарши Евро саралашида ва Шотландия билан ўртоқлик учрашувида Англия термасига ёрдам бермайди.