"Барселона" марказий ҳимоячиси Эрик Гарсия трансфер ойнаси охиригача жамоасини тарк этишни истамаяпти. Журналист Габриэль Санснинг сўзларига кўра, испаниялик футболчи жамоада бахтли ва бошқа жамоада ўйнаш учун кетмоқчи эмас.

Олдинроқ "Барселона" Гарсиядан қутулмоқчи эканлиги ҳақида хабар берилганди, бироқ манба бу маълумотни инкор қилганди. Футболчининг ўзи керакли миқдордаги ўйин амалиётига эга бўлмаяпти, аммо шунга қарамай у қолишга ва асосий таркибдан жой учун курашишга тайёр.

Гарсия 2021 йилнинг ёзида "Манчестер Сити"дан "Барселона"га ўтган эди. Ўтган мавсумда Эрик баъзан марказий ярим ҳимоячи позициясида ўйнади.