Дарвозабон Марк-Андре тер Штеген "Барселона" билан 2027/2028 йилги мавсум охиригача мўлжалланган янги шартнома имзолади. Янги меҳнат шартномаси тузилганидан сўнг, 31 ёшли немис ўз фикрини билдирди.
“Бу ерда эканлигимдан жуда хурсандман. Умид қиламанки, бу йилларда биз кўплаб совринларни бошимиз узра кўтарамиз. Албатта, мен буларнинг барчасига эришиш учун қўлимдан келганча ҳаракат қилишни хоҳлайман", - деди тер Штеген.
Испания Ла Лигасининг навбатдаги ўйинида "Барселона" 27 август, якшанба куни иштирок этади. Хави шогирдлари сафарда “Вильярреал”га қарши майдонга тушади. Ўйин Тошкент вақти билан 20:30да бошланади.
