21 ёшли испаниялик ярим ҳимоячи Габриэль Вейга "Сельта"ни тарк этиб, Саудия Арабистони чемпионатига йўл олди.
Истеъдодли футболчи "Ал-Аҳли" футболчисига айланди, дея хабар бермоқда журналист Фабрицио Романо ижтимоий тармоқларда. Битим тафсилотлари бироздан кейин маълум бўлади.
Эслатиб ўтамиз, Саудиянинг ушбу клуби ёзги трансфер ойнасида ўз таркибини жиддий кучайтирди. "Ал-Аҳли" сафига Риёд Маҳрез, Роберто Фирмино, Аллан Сен-Максимин, Френк Кессье ва Эдуард Менди қўшилди.
Ўтган мавсумда Вейга "Сельта" жамоаси сафида 40 та ўйинда иштирок этган. Ярим ҳимоячи жамоадошлари учун 11 та гол ва 4 та голли узатмани амалга оширди.
