Мадриднинг «Реал» клуби Испания чемпионатининг 13-турига келиб яна мағлубиятга учради ва ўзи шундоғам жамоа учун мураккаб бўлиб турган вазиятни чигаллаштириб юборди.

Севильяда «Бетис»га қарши кечган учрашувда мезбонлар яримҳимоячиси Беньят томонидан киритилган ягона голга мадридликлар 90 дақиқа мобайнида жавоб қайтара олишмади ва натижада муҳим очколар бой берилди.

«Реал»ни изма-из таъқиб келаётган «Малага» эса бу турда асосий рақибларидан бири «Валенсия»ни йирик ҳисобда мағлубиятга учратди – 4:0. Натижада «Бетис» ва «Малага» ҳисобидаги очколар сони 22тага етди ва улар 26 очко тўплаган «Реал»дан ортда келишмоқда. Агар бугун бўлиб ўтадиган учрашувларда «Атлетико» ва «Барселона» ғалаба қозонадиган бўлса, «Реал» билан ўртадаги фарқни янада ошириб олишлари мумкин бўлади.

ИСПАНИЯ ЧЕМПИОНАТИ
13-ТУР
БЕТИС – РЕАЛ МАДРИД 1:0 (1:0)
Гол: Беньят (17).
Бетис: Адриан, Анхель Лопес (Начо, 75), Амайя, Дорадо, Алекс Мартинес, Хосе Каньяс, Беньят, Сальва Севилья (Игьебор, 81), Агра, Хуан Карлос (Хорхе Молина, 63), Рубен Кастро.
Реал Мадрид: Касильяс, Арбелоа, Пепе, Рамос, Коэнтрау, Хедира (Модрич, 46), Алонсо, Ўзил (Кака, 46), Ди Мария (Кальехон, 63), Роналду, Бензема.
Огоҳлантиришлар: Сальва Севилья (41), Адриан (54), Пепе (56), Рамос (71), Хосе Каньяс (72), Беньят (77).

МАЛАГА – ВАЛЕНСИЯ 4:0 (1:0)
Голлар: Портильо (8), Савиола (75), Санта Крус (81), Иско (90+2).
Малага: Кабальеро, Хесус Гамес, Демичелис, Велигтон, Элизеу, Тулалан (Буонанотте, 90), И. Камачо, Хоакин (Санта Крус, 78), Иско, Портильо, Савиола (Себа, 85).
Валенсия: Диего Алвес, Барраган, Рами, Р. Кошта, А. Сиссоко, Гаго, Тино Коста (Парехо, 79), Фегули, Банега (Жонас, 55), Гуардадо (Пьятти, 69), Вальдес.
Четлатиш: Рами (84, Валенсия).

РАЙО ВАЛЬЕКАНО – МАЛЬОРКА 2:0 (0:0)
Голлар: Лео Каррильо (87), Делибашич (90+1).
ВАЛЬЯДОЛИД – ГРАНАДА 1:0 (0:0)
Гол: Манушу (63).
РЕАЛ СОСЬЕДАД – ОСАСУНА 0:0

25 ноябрь
Эспаньол – Хетафе
Атлетик – Депортиво
Атлетико – Севилья
Леванте – Барселона
26 ноябрь
Сарагоса – Сельта