26 август куни Франция чемпионати 3-тур учрашуви бўлиб ўтди, унда «ПСЖ» ўз майдонида «Ланс»ни қабул қилди. Мезбонлар 3:1 ҳисобида ғалабани тантана қилишди.
Учрашув давомида парижликлар жамоаси мухлислари трибуналарга бразилиялик ҳужумчи Неймарнинг кетишига бағишланган баннер осиб қўйишди. Унда: «Неймар, ниҳоят қўполликлардан қутулдинг» деб ёзилганди.
Эслатиб ўтамиз, 31 ёшли бразилияликнинг Саудиянинг «Ал-Ҳилол» клубига ўтиши яқинда эълон қилинган эди.
«ПСЖ» таркибида Неймар 2017 йилдан бери ўйнаб келмоқда ва жамоа билан 12 та соврин ютган. Ҳужумчи ўтган мавсумда Лига 1да 20 ўйинда майдонга тушиб, 13 гол урди ва 11 голга ассистентлик қилган.
