"ПСЖ" мухлислари ҳужумчи Килиан Мбаппенинг асосий таркибга қайтганини олқишлар ва ҳайқириқлар билан қарши олдилар. 24 ёшли ҳужумчи биринчи дақиқалардан Лига 1 3-туридан ўрин олган "Ланс"га (3:1) қарши ўйинда майдонга тушди ва гол урди.
Юлдуз ҳужумчи сўнгги учрашувда ўз ҳисобига иккита гол ёзиб қўйди. Бу Мбаппенинг парижликлар сафидаги 150 ва 151-голлари бўлди.
Килиан "Реал"га ўтиши мумкинлиги ҳақидаги миш-мишларга қарамай Парижда қолишга қарор қилди. Шу билан бирга, ҳужумчи клуб билан келаси ёзда тугайдиган шартномани ҳозирча янгиламади.
Жорий мавсумда Мбаппе Франция чемпионатида иккита ўйин ўтказиб, 3 та гол урди.
