«Барселона» бош мураббийи Хави «Манчестер Сити» ҳимоячиси Жоау Канселунинг эҳтимолий трансфери ҳақидаги саволга жавоб берди.
«Директорлар кенгаши жамоага нима кераклигини билишади. Аммо биз молиявий аҳволимизга ва иш ҳақи чегарасига қарашга мажбурмиз.
Саноқли кунлар қолди, кўрамиз», - деди Хави.
Жоау Канселу 29 ёшда, нуфузли transfermarkt портали экспертлари португалияликни 50 миллион еврога баҳоламоқда.
Эслатиб ўтамиз, ўтган мавсумнинг иккинчи қисмини Канселу «Бавария»да ижара асосида ўтказган эди.
