«Barselona» bosh murabbiyi Xavi «Manchester Siti» himoyachisi Joau Kanseluning ehtimoliy transferi haqidagi savolga javob berdi.
«Direktorlar kengashi jamoaga nima kerakligini bilishadi. Ammo biz moliyaviy ahvolimizga va ish haqi chegarasiga qarashga majburmiz.
Sanoqli kunlar qoldi, ko‘ramiz», - dedi Xavi.
Joau Kanselu 29 yoshda, nufuzli transfermarkt portali ekspertlari portugaliyalikni 50 million yevroga baholamoqda.
Eslatib o‘tamiz, o‘tgan mavsumning ikkinchi qismini Kanselu «Bavariya»da ijara asosida o‘tkazgan edi.
