«Арсенал» ҳимоячиси Киран Тирни фаолиятини расман «Реал Сосьедад»да давом эттиради, деб хабар беради Сан-Себастьян клуби матбуот хизмати.
Футболчи ижара шартномаси бўйича Ла Лига клубига ўтади. У жорий футбол мавсуми охиригача ҳисобланади.
Эслатиб ўтамиз, шотландиялик чап қанот ҳимоячисининг «канонирлар» билан амалдаги шартномаси 2026 йилнинг ёзига қадар тузилган.
26 ёшли шотландиялик футболчи 25 миллион еврога баҳоланмоқда.