"Бавария" ҳужумчиси Харри Кейн Бундеслиганинг 2-тури доирасидаги уй учрашувида "Аугсбург"ни 3:1 ҳисобида мағлуб этганидан кейин фикр билдирди.
30 ёшли англиялик ҳужумчи бу учрашувда икки бор рақиб дарвозасини ишғол этди.
"Мен жамоага ҳар томонлама ёрдам бермоқчиман. Голлар мени бу ерга олиб келишларига асосий сабабдир. Бу ўйинда бир жуфт гол уриш ажойиб бўлди. Менда гол билан якунланиши мумкин бўлган яна бир вазият бор эди, лекин умуман олганда мен натижадан ва бунга қўшган ҳиссамдан мамнунман.
Бу мавсумдаги биринчи уй ўйини бўлди ва бу жуда яхши ўтди. Биз уч очкони қўлга киритганимизга ишонч ҳосил қилмоқчи эдик" - деди Кейн ўйиндан сўнг.
