Суд Андреа Аньеллининг дисквалификация муддатини қисқартирди.
Эслатиб ўтамиз, "Ювентус"нинг собиқ президенти хаёлий капитал даромадлари учун 2 йилга футболдан четлатилган эди. Кейинчалик дисквалификация яна 16 ойга узайтирилди – суд "Ювентус"нинг футболчиларнинг маошлари билан боғлиқ қаллоблик иши бўйича тингловдан сўнг шундай қарорга келди. Аньелли янги дисквалификация учун апелляция берди.
Бугун Италия футбол федерациясининг апелляция суди ўз ҳукмини чиқарди. Аньеллининг иш ҳақидаги фирибгарлик учун дисквалификация муддати 10 ойгача қисқартирилди. “Бьянконерлар”нинг собиқ раҳбари учун жарима ҳам 60 минг евродан 40 минг еврога туширилди.
