Италия терма жамоаси ва «ПСЖ» дарвозабони Жанлуижи Доннарумма Роберто Манчинининг «адзурри» бош мураббийлигидан кетиши ҳақида фикр билдирди.
Эслатиб ўтамиз, мутахассис катта маошга рози бўлиб, Саудия Арабистони терма жамоасини бошқарадиган бўлди.
«Италияда ҳеч ким Манчини кетишини кутмаганди. Мен у билан гаплашдим ва тарих яратишимизга ёрдам бергани учун миннатдорчилик билдирдим.
Афсуски, жаҳон чемпионатига чиқа олмадик, лекин Европа чемпионлигини қўлга киритдик. Бу менинг хотирамда абадий қолади», - дея Доннарумманинг сўзларини келтиради Calciomercato.
