«Челси» бош мураббийи Маурисио Почеттинодан матбуот анжуманида футболчиларнинг, хусусан, Ромелу Лукакунинг кетиши мумкинлиги ҳақида сўрашди.
«Мен бундай вазиятларга қатнашмайман. Мен бор эътиборимни жамоага, ўзимдаги футболчиларга қаратганман.
Айни пайтда ҳеч нарса ўзгармади. Ҳеч ким менга Лукаку билан боғлиқ масала ёпилганини айтмади. Албатта, нимадир бўлганида клуб сизга хабар беради», - деди Почеттино журналистларга.
Аввалроқ матбуотда «Челси» «Рома» билан 30 ёшли Ромелу Лукакуни ижарага бериш борасида келишиб олгани ҳақида хабарлар тарқалган эди.
