"Лилль" ярим ҳимоячиси Карлос Балеба "Брайтон" билан шартнома имзолади, дея хабар беради клуб расмий сайти.
19 ёшли камерунлик футболчи билан келишув 2028 йилнинг ёзига қадар мўлжалланган. Transfermarkt портали трансферни 27 миллион еврога баҳоламоқда.
Балеба ўтган мавсумда "Лилль" таркибида 21 ўйинда майдонга тушиб, 2 та голли узатмани амалга оширган. Ярим ҳимоячининг француз клуби билан шартномаси 2026 йилнинг ёзига қадар тузилганди.