"ПСЖ" ярим ҳимоячиси Марко Верратти "Ал-Арабий"га ўтади.
Италиялик футболчининг кетиши деярли муқаррар - ярим ҳимоячи ўзини Луис Энрике жамоасида кўрмаяпти, дея хабар беради инсайдер Фабрис Хокинс. Қатарликлар Верратти учун тахминан 45 миллион евро таклиф қилган, "ПСЖ" эса бундай шартлардан қониқмоқда. Тез орада трансфер амалга оширилади.
Марко Верратти 12 йил давомида парижликлар сафида 416 та ўйин ўтказиб, 11 та гол ва 61 та голли узатмани амалга оширган. Янги мавсумда италиялик "ПСЖ" қайдномасига киритилмаяпти. Унга даъвогарлар орасида "Галатасарой" ва "Ал-Ҳилол" ҳам бор эди.
