"Челси" ва "Реал"нинг собиқ ярим ҳимоячиси Эден Азарга ёзги трансфер ойнасида таклифлар кам бўлмади. Бу ҳақда AS нашри саҳифаларида хабар берилди.
32 ёшли бельгиялик футболчига МЛС, Саудия Арабистони, Испания, Англия, Франция ва Шотландиядан таклифлар бўлган. Энг яхши таклиф “Интер Майами” томонидан қилинган, бироқ Эден рад жавобини берган.
Аввалроқ матбуотда Азар футболчилик фаолиятини якунлаш ҳақида жиддий ўйлаётгани ҳақида хабарлар тарқалганди.
Айни дамда тажрибали ярим ҳимоячи эркин агент мақомида. Унинг сўнгги иш жойи "Реал Мадрид" эди. Эден ўтган мавсумда Ла Лигада 6 та ўйинда майдонга тушиб, битта голли узатмани амалга оширган.
