Ҳуқуқлари Италиянинг “Рома” клубига тегишли бўлган норвегиялик ҳужумчи Ола Сольбаккен жорий трансфер ойнасида пойтахт жамоасини тарк этиши мумкин.
Журналист Николо Скиранинг ижтимоий тармоқлардаги маълумотларига кўра, ҳужумчи жамоа бош мураббийи Жозе Моуриньонинг режаларига киритилмаган. Грециянинг "Олимпиакос" клуби футболчининг янги жамоаси бўлиши мумкин.
24 ёшли скандинавиялик футболчи Рим жамоасига 2023 йилнинг январида келиб қўшилган эди. Томонлар ўртасидаги амалдаги шартнома муддати 2027 йил июнь ойи охиригача ҳисобланади. Сольбаккеннинг трансфер нархи 3,5 миллион еврога баҳоланмоқда.
