"Вильярреал"нинг чап қанот ҳимоячиси Альфонсо Педраса фаолиятини "Манчестер Юнайтед"да давом эттириш мумкин эди.
Инглиз гиганти Люк Шоу ва Тайрелл Маласияни йўқотди, шунинг учун улар ҳимояда чап қанотда янги ўйинчи қидирмоқда. Marca хабарига кўра, "қизил иблислар" Педрасани ижарага олмоқчи бўлган, бироқ "Вильярреал" шартнома таклифини рад этган. Қайд этилишича, “Юнайтед”нинг асосий мақсади Марк Кукурелья (“Челси”) бўлиб қолмоқда, у аллақачон трансферга шахсий розилигини берган.
Transfermarkt экспертлари Альфонсо Педрасани 15 миллион еврога баҳолаган. Испаниялик футболчининг "Вильярреал" билан шартномаси 2026 йилгача мўлжалланган.
