Ҳужумчи Килиан Мбаппе «ПСЖ» билан ҳамкорликни узайтириш вариантини кўриб чиқишга тайёр. Бу ҳақда Марко Контерио ижтимоий тармоқлар орқали хабар берди.

Журналистга маълум бўлишича, томонлар ушбу масалани муҳокама қилиб, 2026 йилга қадар янги шартнома бўйича олдиндан келишиб олишган.

Ушбу шартномада компенсация белгиланади, унинг миқдори кўрсатилмайди. Шартнома 2024 йилнинг ёзидан фаоллаштирилиши мумкин.

Аввалроқ матбуотда Мбаппе парижликлар билан шартномани узайтиришдан қатъиян рад этаётгани ҳақида хабарлар тарқалган эди. Шу сабаб 24 ёшли ҳужумчи маълум муддатга асосий жамоа билан ишлашдан четлаштирилди.