Ҳужумчи Меҳди Таремининг "Порту"дан "Милан"га ўтиши муваффақиятсизликка учради. Relevo хабарига кўра, клублар ўртасидаги музокаралар муваффақиятсиз якунланган.
Меҳди Тареми 31 ёшда. Эронлик футболчи “Порту”да 2020 йилнинг август ойи охиридан буён тўп тепмоқда. Бу вақт ичида Тареми 151 та расмий ўйинда майдонга тушиб, 80 та гол ва 49 та голли узатмани ҳамкорлар сафида амалга оширган.
"Милан" янги Италия чемпионатини иккита ғалаба билан бошлади. Стефано Пиоли шогирдлари навбатдаги ўйинни 1 сентябрь куни “Рома”га қарши ўтказади.