"Торино" "Аталанта" билан колумбиялик тажрибали марказий ҳужумчи Дуван Сапата трансфери борасида келишиб олди. Бу ҳақда журналист Фабрицио Романо ижтимоий тармоқлар орқали маълум қилди. Тез орада келишув расман эълон қилинади.
Дуван 2018 йилдан бери Бергамо жамоасининг шарафини ҳимоя қилиб келмоқда. Италия чемпионатининг янги мавсумида колумбиялик футболчи иккита ўйин ўтказиб, битта гол урди.
Сапата ўтган мавсум А Серияда "Аталанта" сафида 27 та ўйинда майдонга тушиб, 2 та гол ва 4 та голли узатмага муаллифлик қилган.
"Торино" навбатдаги ўйинини 3 сентябрь куни "Женоа"га қарши ўтказади.
