Кеча Европа чемпионлар лигаси гуруҳ босқичига қуръа ташланганидан хабарингиз бор. "Opta Analyst" компанияси қуръадан сўнг мусобақада ғолибликка даъвогар клублар рейтинги тузиб чиқди.

Демак, компьютер ҳисоб-китобларига кўра, «Манчестер Сити» ғолибликка асосий даъвогар сифатида эътироф этилди. "Шаҳарликлар"нинг чемпионликни ҳимоя қилиш эҳтимоли 36,1 фоиз дея баҳоланди.

Бу борада иккинчи поғонада «Бавария» (10,2%) қайд этилган бўлса, учинчи ўринни, кутилмаганда, «Арсенал» эгаллади (7%).

«Реал» ва «Наполи» клублари имконият борасида кучли бешликка киритилди. "Интер", "Манчестер Юнайтед", "Атлетико", "Порту" ва "Барселона" клублари топ-10дан ўрин олишди.

Энг кутилмаган прогноз эса «ПСЖ»га нисбатан қилинди. Бу жамоанинг ғолиблик учун имконияти 1 фоизга тенг дея баҳоланди. Парижликлар рўйхатда 22-қаторни банд этишди. Ҳисоб-китобларга кўра, "ПСЖ" гуруҳдан чиқа олмаслигини тахмин қилинган. «F» гуруҳида "Боруссия Дортмунд" ва "Милан" клублари "ПСЖ"ни ортда қолдириб кетиши тахмин қилинган.