«Ал-Иттиҳод»нинг Муҳаммад Салоҳга беришга тайёр бўлган маоши тафсилотлари маълум бўлди, деб хабар беради журналист Санти Уна.

Манбанинг хабарига кўра, Саудия клуби 31 ёшли мисрлик футболчига 3 йиллик шартнома таклиф қилмоқда, унга кўра у 500-600 миллион доллар ишлаб олиши мумкин.

Салоҳга Саудия Арабистони элчиси роли учун уч йил давомида имидж ҳуқуқи берилади.
Қайд этилишича, агар «Ал-Иттиҳод» унинг трансфери борасида «Ливерпуль» билан музокара олиб боришга муваффақ бўлса, ҳужумчининг ўзи ҳам таклифни қабул қилади.

Салоҳ жорий мавсум «Ливерпуль» сафида 2 та ўйинда майдонга тушиб, 1 та гол урди ва 1 та голли узатмани амалга оширди.

Унинг мерсисайдликлар билан шартномаси 2025 йилнинг ёзида якунига етади.