«Al-Ittihod»ning Muhammad Salohga berishga tayyor bo‘lgan maoshi tafsilotlari ma’lum bo‘ldi, deb xabar beradi jurnalist Santi Una.

Manbaning xabariga ko‘ra, Saudiya klubi 31 yoshli misrlik futbolchiga 3 yillik shartnoma taklif qilmoqda, unga ko‘ra u 500-600 million dollar ishlab olishi mumkin.

Salohga Saudiya Arabistoni elchisi roli uchun uch yil davomida imidj huquqi beriladi.
Qayd etilishicha, agar «Al-Ittihod» uning transferi borasida «Liverpul» bilan muzokara olib borishga muvaffaq bo‘lsa, hujumchining o‘zi ham taklifni qabul qiladi.

Saloh joriy mavsum «Liverpul» safida 2 ta o‘yinda maydonga tushib, 1 ta gol urdi va 1 ta golli uzatmani amalga oshirdi.

Uning mersisaydliklar bilan shartnomasi 2025 yilning yozida yakuniga yetadi.