Юго Экитике туфайли "ПСЖ" Рандал Коло-Муанини сотиб олиш имкониятини қўлдан бой бериши мумкин.
L'Equipe хабарига кўра, "Айнтрахт" ўз ҳужумчисига ўринбосар топилмаса, уни қўйиб юбормоқчи эмас. Франкфурликлар Экитике билан музокара олиб боришга ҳаракат қилишди, аммо келишувга эришилмади.
"ПСЖ" ҳали ҳам трансфер таклифини оширишга ҳаракат қилиши мумкин (илгари трансфер бўйича 80+10 миллион еврога келишиб олинган эди), аммо умуман клуб келишув барбод бўлганига ишонмоқда. Шу боисдан раҳбарият Экитике ва унинг атрофидагилардан норози - шу қадарки, унинг яқин келажакда жамоада ўйнаши даргумон.
Қайд этилишича, агар 21 ёшли форвард бугун бошқа клубга сотилиши мумкин бўлса, у ҳолда олинган даромад "Айнтрахт"ни Коло-Муанини алмаштирмасдан қўйиб юборишга кўндириш учун сарфланади.
