"Арсенал" ҳужумчиси Эдди Нкетиа 2024 йилги Европа чемпионати саралаш босқичи учун Англия терма жамоасига чақирилгани ҳақида гапирди.
“Бу ақл бовар қилмайдиган нарса. Англиялик футболчилар учун бу максимал эътироф, терма жамоа қайдномасига киритилганимдан жуда хурсандман. Мен терма жамоа жойлашган жойга етиб боришимни интиқлик билан кутаман", - дея хабар беради "канонирлар" матбуот хизмати ҳужумчининг сўзларини.
Қайд этиш жоиз, бу Нкетианинг терма жамоага дебют чақирувидир.
Англиянинг навбатдаги ўйини Украинага қарши бўлади. 2024 йилги Европа чемпионати саралаш баҳси 9 сентябрь куни бўлиб ўтади.
