Ҳимоячи Жоау Канселу «Барселона»га ўтиши ҳақида гапирди. Каталония клуби уни «Манчестер Сити»дан бир мавсумга ижарага олди.
Португалиялик футболчи каталонияликлар билан бир нечта чемпионликни қўлга киритишига умид билдирди.
«Барса» менинг орзуимдаги клуб бўлиб келган, мен шу ерда ўйнашни хоҳлардим. Жуда ҳаяжондаман.
Мен босимни яхши кўраман ва умид қиламанки, бу чемпионлик мавсуми бўлади, чунки клуб бунинг учун яшайди.
Бу биз учун ажойиб мавсум бўлади. Мен буни интиқлик билан кутяпман ва умид қиламанки, барча мумкин бўлган титулларни қўлга киритаман», – деди Канселу.
