Шанба куни Англия Премьер-лигаси доирасида «Шеффилд Юнайтед» ҳамда «Эвертон» ўртасидаги учрашув бўлиб ўтди.

Ўйин 2:2 ҳисобида дуранг билан якунланди. Иккинчи бўлим бошида майдонда ноодатий воқеа юз берди.

Бош ҳакам Энди Мэдли «Шеффилд» дарвозасига хавфли жарима зарбаси белгилади. Шундан сўнг, ҳакам белгиланган тўққиз метрни ҳисоблаб чиқди ва «девор»даги ўйинчилар қадам босмаслиги керак бўлган пуркагич билан чизиқ тортди.

Натижада «девор»даги футболчилар тўпга яқинроқ жойлашиб олишди, буни «Эвертон» футболчиси Эшли Янг пайқаб қолди. Ҳакам яқинлашди, бироқ у ҳимоячилардан бироз орқага чекинишни сўрамади ва эски жойга янги чизиқ тортди. Мэдли нима учун бундай қилгани сир.