Жоау Феликс «Барселона»га ўтиши ҳақида гапирди.

Каталония клуби португалиялик ярим ҳимоячини трансфер ойнасининг сўнгги кунида «Атлетико»дан ижарага олди.

«Мен қанчалик бахтли эканлигимни ҳамма билади. Мен бу клубда ўйнаш учун кўп интилдим. Бу менинг болалик орзуим эди, мен бу ерга ёрдам бериш учун келдим ва бу ажойиб мавсум бўлишига умид қиламан.

Улар менга қизиқишларини айтишганда, мен жуда хурсанд бўлдим. Мен «Барса»ни болалигимдан кузатиб келаман, доим «Барса» мухлиси бўлганман.

Мен унвонлар учун курашмоқчиман. Чемпионлар лигаси ҳар доим менинг орзуим бўлган, аммо биз аста-секин ҳаракат қилмоқдамиз. Биз ғалаба қозонишни истаймиз», - деди Феликс.