Англия чемпионатининг 4-турида “Ливерпуль” “Астон Вилла” дарвозасига учта гол уриб, ғалаба қозонди.
Иккинчи бўлим ўрталарида Трент Александр-Арнольд жароҳат олиб сафдан чиқди. "Ливерпуль" бош мураббийи Юрген Клопп воқеа ҳақида фикр билдирди.
"Яхши ҳолат эмас, албатта. Унинг пайи чўзилган, аммо биз батафсилроқ таҳлилни кутишимиз керак. Унинг ишонтиришича, бу унчалик қўрқинчли эмас, лекин бу у билан камдан-кам содир бўлган, шунинг учун кутамиз", - деди Клопп BBC Sport билан суҳбатда.
Англия чемпионатининг навбатдаги турида “Ливерпуль” “Вулверхэмптон”га қарши баҳс олиб боради.