"Ливерпуль" бош мураббийи Юрген Клопп Саудия Арабистони томонидан қаттиқ қизиқиш бўлаётган мисрлик ҳужумчи Муҳаммад Салоҳни мақтади. "Астон Вилла"га қарши ўйиндаги учинчи голни айнан Салоҳ киритди.
"Салоҳ юқори даражадаги ўйин ўтказди. Унинг вазифаси бор эди ва у буни бажарди. Унинг клубга содиқлигига шубҳам йўқ. Унинг ҳозир қанчалик хотиржам эканини тасаввур ҳам қила олмайсиз. У бизнинг футболчимиз ва биз билан бирга бўлишни хоҳлайди", - деди Клопп BBC Sport билан суҳбатда.
Англия чемпионатининг навбатдаги турида "Ливерпуль" "Вулверхэмптон" билан ўйнайди.
