Қанот ҳимоячиси Кайл Уокер "Манчестер Сити" билан шартномасини узайтиришга яқин турибди, бу ҳақда инсайдер Фабрицио Романо ижтимоий тармоқ орқали маълум қилди.

Манбага кўра, томонлар муваффақиятли музокаралар олиб борган ва янги шартнома бўйича келишиб олган. Шартнома муддати 2026 йилнинг ўрталаригача ҳисоблаб чиқилади. Унинг “шаҳарликлар” билан амалдаги меҳнат шартномаси келаси йилнинг июнь ойи охирида тугайди.

Уокер 2017 йилнинг ёзидан буён "Манчестер Сити"да ўйнамоқда. Футболчининг трансфер нархи 13 миллион еврога баҳоланмоқда.

Кайл Англия Премьер-лигасида жорий мавсумда тўртта ўйин ўтказди.